Breaking News

“तामसालिङ राज्यला सिमाना”-रुपक”जमरा” घलान तामाङ

प्रकाशित मिति : ९ आश्विन २०७५, मंगलवार ०८:४९

अो म्हेन्दो..!
पर्खिला ज्योन स्होसी थान्बा
ह्याङ्ला बोक्टो दोजिन्बा गुन्द्री
मार ह्राक छेङसी दलान्नी फ्लाक तिगोम
ङाइ खुम्च्याप तसि म्हाइ लाबा नेपालला नक्सा
गुज्युल्ली च्याप नाङ्सी बसिखामुला,
हानाङ हेन्दे हानाङ दोना मुबाजिम
नेपालला नक्सारी नेपाल
ङादा तिनी च्यागे-च्यागे म्हान्जी
ह्याङ्ला ताम्सालीङ राज्यला सिमाना
स्ह्यारला हाजिबा गङ जो हेन्दे
न्हुपला हाजिबा स्योङ कुनि दोना मुबाजिम
ल्होला हाजिबा सिलपत्तर ब्रा हेन्दे
ज्याङला हाजिबा दोङ टा दोना मुबाजिम
तिनी ङादा च्यागे-च्यागे,अोर्गे-अोर्गे म्हान्जी
चु काइरन्ला पन्नाकादे,
ह्याङला नाम्सा दिमरी क्याबा
किरिङ-मिरिङ म्राङ्बा दर्ज्यु देन
शान्तिला मोलम फ्रेङबा लुङ्ताकादे
ताम्सालीङ सा-ह्युलरीन मुला कि
क्यात्थाङ म्हिला ख्राङ्गा दोना मुला
हाउ म्हेन्दो…
तिनी, चु ताम्ला छिनोफानो लाई ।

म्हेन्दो..
ग्यागरदानरी स्ह्युबा बोइमो
अोइमा ल्होछाररी डोन्बो खाजिम
ङाइ ङाला ताम्सालीङ ह्युल्ला चिनो बिसी
तिलैनोन पिनपुइ-आखाम्नी
तोर्से बोइ ह्युल ग्यामसे
डोल्मो देन पासाङ एई दोगाजिम
ङाइ ङाला ताम्सालीङ ह्युल्ला गोइलो बिसी
सेम सोक ब्लासी पिनपुइ-आखाम्नी
न्हुपला तामाङएई सेमरी दुङाल्ला ढाकर पुइसी
ताम्सालीङ ह्युल सा म्हाइसी-म्हाइसी
अोया सेर्खारी दोगाजिम
ङाई ह्याङ तामाङला तामसालिङ सा बिसी
सिमानाला गाराकादे अोन आखाम्नी
ह्याङलान आखे-म्हेमेला टु देन कासे
ब्रिथान्बा इतिहासला धर्साकादे
अोन्बारी आखाम्नी ।

हानाङ दोजी थे दुइरी
पेङदोर्जेसे स्हेङ्बा डम्फुकादे
हानाङ दोजी नाना-आङासे क्वान्बा बक्खुकादे
हानाङ दोजी तामसालिङला गोइलोकादे
हानाङ दोजि ह्याङला ग्योइ ह्रिमठिम देन
ङोसेबारी आमाकादेसे क्वान्बा म्हार, ढुङरी
हानाङ दोजी ह्राङलान ग्योइरी
दिन सोम-म्हुन सोम कोबा
व्हाइला कादे ज्याबा छिककादे,
चु तामकादे डान्सी खामा
चु सेम स्योप-स्योप क्रोसी खामुला ।

म्हेन्दो…
हिम्बान ह्याङला आखे मामसे स्हेङ्बा
बोक्टो गोम्बोकादे, छ्योर्देनकादे,
बोक्टो पुर्गाङकादे
अोम..ह्याङ तामाङला
गोइलोकादे म्हागाई बिसी
म्लाङगाइ ठिम स्हो थान्बा हिन्छाम
ह्याङला तामसालीङ सा बिसी अोन्बा आधार
बेनान म्हाना लाजिन्बा दुइरी
हाउ म्हेन्दो..
मेला ल्हाम दोसी चु ह्युल भष्म ताना लाइ
जामाहेन्दे ब्रिला बडु
ह्याङ तामाङसे राज्य लाबा
ताम्सालिङला छार नक्साकादे ।

रुपक”जमरा” घलान तामाङ
मरिण गाउँपालीका – ३ बरुण
३ नम्बर प्रदेश सिन्धुली

प्रकाशित मिति : ९ आश्विन २०७५, मंगलवार ०८:४९

सामाजिक संजाल

Our Team

प्रधान सम्पादक – इकमान लामा (इमाला)
प्रकाशक/सम्पादक – विवेक लोप्चन

कार्यकारी सम्पादक- मनु तामाङ 

ब्यबस्थापक कार्यक्रम प्रस्तोता – एम डि लामा

कानूनी सल्लाहकार – हरिराम पौडेल

सल्लाहकार -बिनय जङग बस्नेत

पाल्साङ  लोप्चन

 

Our Team

मनोरञ्जन ब्युरो
रोशन पोखरेल

साहित्य तथा सुचना प्रबिधी ब्युरो
राजकुमार ग्याबा तामाङ

संवाददाता
दोर्जे बम्जन
दाने बोहरा (हुम्ला)
Email: [email protected]

 

Contact: 9823394647, 9849878184,