Breaking News

तिहारमा ६० करोड रुपैयाँको विद्युतीय बत्ती आयात

प्रकाशित मिति : १९ कार्तिक २०७५, सोमबार १०:३९

काठमाडौँ । तिहार भन्ने वित्तिकै हरेक मान्छेको दिमागले सबैभन्दा पहिले सोचि हाल्ने शब्द हो झिलिमिलि बत्तीहरुको पर्व । पछिल्लो समय तिहारमा बालिने अधिकांश बत्ती विद्युतीय बत्ती हुने गरेका छन् ।

माटाका पाला, मैनबत्ती, केराको सुप्लामा बालिने धागोको बतीले जति झिलिमिलि बन्थ्यो गाउँघर र शहरबजार आजकाल यस्ता बत्तीहरु कम र बिद्युतीय बत्ती ज्यादा खपत हुन थालेको छ । अझै लोडसेडिङको समस्या हटेपछि भने विद्युतीय बत्तीमा मानिसहरुको आकर्षण अत्यधिक रहेको पाइन्छ ।

वर्षौँ यस्ता बत्तीहरुमा करौडौ रुपैयाँ बाहिरिने गरेको छ । यस बर्षको तिहारमा ६० करोड रुपैयाँको विद्युतीय बत्ती आयात भएको छ अर्थात ६० करोड रुपैयाँ बाहिरिएको छ ।

नेपाल विद्युतीय व्यवसायी महासंघका अध्यक्ष तेज नारायण खरेलले तिहार लक्षित विद्युतीय बत्ती ६० करोड रुपैयाँको आयात भएको बताए । उनका अनुसार तिहारको बत्ती आयात अब बन्द भइसकेको छ ।

आयात भएका बत्तीहरुको कारोबार भइरहेको छ । एकपटक प्रयोग गरेको बत्तीलाई पुन अर्को वर्ष पनि प्रयोग गर्न पाइने भएकाले विद्युतीय बत्तीप्रति आकर्षण बढेको खरेल भन्छन् । उनका अनुसार व्यवसायीहरुले २/३ महिना अघि देखि नै तिहारका विद्युतीय बत्ती ल्याउन थालेका हुन् ।

२० प्रतिशतले महंगियो बत्ती
यस पटक उपभोक्ताले विद्युतीय बत्तीमा २० प्रतिशतसम्म बढी मूल्य तिर्नुपर्ने भएको छ । नेपाल विद्युतीय व्यवसायी महासंघका अनुसार डलरको मूल्य बढेको, भन्सारदर बढेको लगायतका कारण बत्तीको मूल्य बढेको छ ।

लिड बल्वमा २० प्रतिशतसम्म मूल्य बढेको छ भने स्ट्रिप लाइट, पाइप लाइट, नेट झालर लगायतको मूल्य पनि बढेको छ । दियो २० पिसको १६० रुपैयाँ देखि २०० रुपैयाँसम्म मूल्य कायम छ ।

यसमा क्वालिटी भने फरक फरक हुने भएकाले सो अनुसार मूल्यमा फरक पर्ने खरेलले भने । यस्तै उनका अनुसार लक्ष्मी, गणेश लगायत देवताको बल्ने बत्ती सानोको मूल्य ३ सय र ठुलो साइजको ११ सयसम्म रहेको छ ।

यद्यपि, बजारमा सानो साइजकै फोटोको मूल्य सातसय रुपैयाँसम्म व्यवसायीहरुले लिने गरेका छन् । तिहारको पूर्व सन्ध्यामा यस्ता बत्ती पसलमा उपभोक्ताको भिड लागेको छ ।
व्यवसायीले मनपरी भाउ लिँदा उपभोक्ता ठगिएका छन् । सरकारको अनुगमन प्रभावकारी नहुदा उपभोक्ताहरु मारमा परेका हुन् ।

ratopati

प्रकाशित मिति : १९ कार्तिक २०७५, सोमबार १०:३९

सामाजिक संजाल

Our Team

प्रकाशक/सम्पादक – विवेक लोप्चन

प्रधान सम्पादक – इकमान लामा (इमाला)

कार्यकारी सम्पादक- मनु तामाङ 

ब्यबस्थापक /कार्यक्रम प्रस्तोता – मोहन दोङ (एम. डि) लामा

कानूनी सल्लाहकार – हरिराम पौडेल

सल्लाहकार -बिनय जङग बस्नेत

पाल्साङ  लोप्चन

 

Our Team

मनोरञ्जन ब्युरो
रोशन पोखरेल

साहित्य तथा सुचना प्रबिधी ब्युरो
राजकुमार ग्याबा तामाङ

संवाददाता
दोर्जे बम्जन
दाने बोहरा (हुम्ला)
Email: [email protected]

 

Contact: 9823394647, 9849878184,