Breaking News

नारायणगढ–मुग्लिन सडकखण्डः १४ वटा पुलको विस्तार प्रक्रिया शुरु

प्रकाशित मिति : ३० कार्तिक २०७५, शुक्रबार २१:५८

 

चितवन, कार्तिक ३०
नारायणगढ–मुग्लिन सडक खण्डमा रहेका १४ वटा पुराना पुलको विस्तार र नयाँ बनाउने प्रक्रिया शुरु गरिएको छ । विश्व बैंकको ऋण सहयोगमा ती पुल बनाउन लागिएको हो ।

सडक विभागका पुल महाशाखा प्रमुख अर्जुनजंग थापाका अनुसार माघ महीनाभित्रमा बोलपत्र आह्वान गर्ने गरी नक्साङ्कनको काम भइरहेको छ । विसं २०३८ मा ती पुल चिनियाँ प्राविधिकले निर्माण गरेकाले अहिले गरिएका नक्साङ्कनका बारेमा छलफल गर्न प्राविधिक विज्ञसमेत बोलाइएको उनले बताए ।

थापाका अनुसार चीनको थोङजी विश्वविद्यालयका प्राध्यापक डा सेनलाई पुल नक्साङ्कनको अन्तिम रुप दिनका लागि छलफल गर्न बोलाइएको छ । उहाँ आएलगत्तै नक्साङ्कनको अन्तिम रुप दिएर बोलपत्र आह्वान गरिनेछ ।

थापाले भने, “माघको तेस्रो साताभित्र बोलपत्र आह्वान हुने गरी काम अगाडि बढाएका छौँ ।” हाल ती पुल छ मिटर फराकिला छन् । उनका अनुसार ११ मिटर फराकिलो बनाइनेछ । दुई वटा नयाँ पुल बनाइनेछ भने १२ वटा पुलको दायाँबायाँ थप गरी विस्तार गरिने योजना छ ।

पुल बनेका छेउमा अग्ला पहाड भएकाले अर्को ठाउँबाट पुल बनाउन कठिन हुने उनले बताए । सोही सडकका चार ठाउँमा नयाँ पुल बन्दै गरेका छन् । सडक फराकिलो भइसक्दा पनि पुल साँघुरो भएपछि यातायात आवागमनमा समस्या हुँदै आएको छ ।

सो सडक विस्तार गरी नौदेखि ११ मिटर फराकिलो बनाइएको छ । ती पुल नयाँ बनाउन र मर्मतका लागि रु दुई अर्ब लाग्ने अनुमान गर्दै विश्व बैंकले अर्थ मन्त्रालयसँग बुधबार अन्य योजनासहित सम्झौता गरिसकेको थापाले जानकारी दिए ।

नयाँ पुलभन्दा पुल भएकै ठाउँमा विस्तार गर्नुपर्ने देखिएकाले रु एक अर्ब हाराहारीमै काम सम्पन्न हुनसक्ने अनुमान गरिएको छ । १८ महीनामा पुल सम्पन्न हुने गरी काम गर्ने तयारी गरिएको उनले बताए ।

प्रकाशित मिति : ३० कार्तिक २०७५, शुक्रबार २१:५८

सामाजिक संजाल

Our Team

प्रकाशक/सम्पादक – विवेक लोप्चन

प्रधान सम्पादक – इकमान लामा (इमाला)

कार्यकारी सम्पादक- मनु तामाङ 

ब्यबस्थापक /कार्यक्रम प्रस्तोता – मोहन दोङ (एम. डि) लामा

कानूनी सल्लाहकार – हरिराम पौडेल

सल्लाहकार -बिनय जङग बस्नेत

पाल्साङ  लोप्चन

 

Our Team

मनोरञ्जन ब्युरो
रोशन पोखरेल

साहित्य तथा सुचना प्रबिधी ब्युरो
राजकुमार ग्याबा तामाङ

संवाददाता
दोर्जे बम्जन
दाने बोहरा (हुम्ला)
Email: [email protected]

 

Contact: 9823394647, 9849878184,